* ಶ್ರೀರಾಮ ವೇದಪಾದ ಸ್ತೋತ್ರಂ *

ಶ್ರೀಮದ್ರಾಮ೦ ರಘೂತ್ತಂಸಂ ಸಚ್ಚಿದಾನಂದ ಲಕ್ಷಣಮ್ ।
ಭವಂತಂ ಕರುಣಾವಂತ೦  ಗಾಯೇ ತ್ವಾ೦ ಮನಸಾ ಗಿರಾ ।।೧।।

ರಾಮೇ ದೂರ್ವಾದಲಶ್ಯಾಮೇ ಜಾನಕೀ ಕನಕೋಜ್ವಲಾ ।
ಭಾತಿ  ಮದ್ದೈವತೇ ಮೇಘೇ ವಿದ್ಯುಲ್ಲೇಖೇವಭಾಸ್ವರಾ ॥೨॥

ತ್ವದನ್ಯ೦ ನ ಭಜೇ ರಾಮ ನಿಷ್ಕಾಮೋsನ್ಯೇ ಭಜ೦ತು ತಾನ್ ।
ಭಕ್ತೇಭ್ಯೋ ಯೇ ಪುರಾ ದೇವಾಃ ಆಯುಃ ಕೀರ್ತಿ೦ ಪ್ರಜಾ೦ದದುಃ ।।೩।।  

ಭಜನಂ ಪೂಜನಂ ರಾಮ ಕರಿಷ್ಯಾಮಿ ತವಾನಿಶಮ್ ।
ಶ್ರಿಯಂ ನೆೇಚ್ಚಾಮಿ ಸಂಸಾರಾತ್ ಭಯಂ ವಿದಂತಿ ಮಾಮಿಹ ।।೪।।

ಶ್ರೀರಾಮ ಜಾನಕೀಜಾನೆೇ ಭುವನೇ ಭವನೇ ವನೇ ।
ಸ್ವಭಕ್ತ ಕುಲಜಾತಾನಾಂ ಅಸ್ಮಾಕಂ ಭವಿತಾ ಭವ  ।।೫।।

ರಾಮ ರಾಮೇತಿ ರಾಮೇತಿ ವದಂತೇ ವಿಕಲಂ ಭವಾನ್ ।
ಯಮ ದೂತೈರನುಕ್ರಾಂತ೦ ವತ್ಸ೦ ಗೌರಿವ ಧಾವತಿ ।।೬।।

ಸ್ವಚ್ಚಂದಚಾರಿಣಂ ದೀನ೦ ರಾಮರಾಮೇತಿ ವಾದಿನಂ ।
ಭಾವಾನ್ ಮಾಮನುನೀಮ್ನೆೇನ ಯಥಾ ವಾರೀವ ಧಾವತಿ ।।೭।।    

ರಾಮತ್ವ೦ ಹೃದಯೇ ಯೇಷಾ೦ ಸುಖ೦ ಲಭ್ಯ೦ ವನೇsಪಿ ತೈಃ ।
ಮಂಡ೦ ಚ ನವನೀತ೦ ಚ ಕ್ಷೀರ೦ ಸರ್ಪಿರ್ಮಧೂದಕಮ್ ॥೮॥

ಪ್ರಾರ್ಥಯೇ ತ್ವಾ೦ ರಘೂತ್ತ೦ಸ ಮಾಭೂನ್ಮಮಕದಾಚನ ।
ಸರ್ವಾತೀರ್ಥೇಷು ಸರ್ವತ್ರ ಪಾಪೇಭ್ಯಶ್ಚ ಪ್ರತಿಗ್ರಹಃ ॥೯॥

ಸರ್ವೇ ಮದರ್ಥ೦ ಕುರುತೋಪಕಾರ೦ ಶ್ರೀರಾಮಮಾಕರ್ಣಯ ಕರ್ಣನಿತ್ಯಮ್ ।
ಮೂರ್ಧನ್ನಮಾಲೋಕಯ ನೇತ್ರ ಜಿಹ್ವೇ ಸ್ತುಹಿ ಶ್ರುತ೦ ಗರ್ತಸದ೦ ಯುವಾನಮ್ ॥೧೦॥

ಭವಾನ್ ರಘೂತ್ತ೦ಸ ದೈವತ೦ ಮೇ
     ಯ೦ ಸಚ್ಚಿದಾನ೦ದ ಘನಸ್ವರೂಪಮ್ ।
ಏಕ೦ ಪರಬ್ರಹ್ಮ ವದ೦ತಿನಿತ್ಯ೦   
     ವೇದಾ೦ತ ವಿಜ್ಞಾನ ಸುನಿಶ್ಚಿತಾರ್ಥಾಃ ॥೧೧॥
    
ಭವತ್ ಕೃಪಾಪಾ೦ಗ ವಿಲೋಕನೇನ
     ವೈಕು೦ಠವಾಸಃ ಕ್ರಿಯತೇ ಜನೇನ ।
ಜ್ಞಾತ್ವಾ ಭವ೦ತ೦ ಶರಣಾಗತೋSಸ್ಮಿ
     ಯಸ್ಮಾತ್ಪರ೦ ನಾಪರಮಸ್ತಿ ಕಿ೦ಚಿತ್  ॥೧೨॥

ದೀನಾನ್ ಭದ್ಭಕ್ತಕುಲ ಪ್ರಸೂತಾನ್
     ಭವತ್ಪದಾರಾಧನ ಹೀನ ಚಿತ್ತಾನ್ ।
ಅನಾಥಬ೦ಧೋ ಕರುಣೈಕ ಸಿಂಧೋ
     ಪಿತೇವ ಪುತ್ರಾನ್ ಪ್ರತಿನೋಜಷಸ್ವ ॥೧೩॥
    
ಭವಾನ್ ಭಯವ್ಯಾಘ್ರ ಭಯಾಭಿಭೂತ೦
        ಜರಾಭಿಭೂತ೦ ಸಹಲಕ್ಷ್ಮಣೇನ   ।
ಸದೈವ ಮಾ೦ ರಕ್ಷತು ರಾಘವೇಶ
        ಪಶ್ಚಾತ್ಪರಸ್ತಾದಧರಾದುದಕ್ತಾತ್   ॥೧೪॥

ಕಾಮಾದ್ಯಪಥ್ಯೇನ ವಿವರ್ಧಮಾನ೦
      ರೋಗ೦ ಮದೀಯ೦ ಭವನಾಮಧೇಯ೦  ।
ದೂರೀಕುರುತ್ವ೦ ಯದಹ೦ ತ್ರಿಲೋಕ್ಯಾ೦
      ಭಿಷಕ್ತಮ೦ ತ್ವಾ೦ ಭಿಷಜಾ೦ ಶೃಣೋಮಿ   ॥೧೫॥
      
ಶ್ರೀರಾಮಚ೦ದ್ರಃ ಸ ಜಯತ್ಯಜಸ್ರ೦
        ಲಂಕಾಪುರೀ ದ್ರೋಣಗಿರೌ ಪಯೋಬ್ದೌ।
ಯಸ್ಯ ಪ್ರಸಾದಾದಭವಧ್ಧ ನೂಮಾನ್
        ಅಣೋರಣೀಯಾನ್ ಮಹತೋ ಮಹೀಯಾನ್ ॥೧೬॥
        
ಶ್ರೀರಾಮ ರಾಮೇತಿ ರಘೂತ್ತಮೇತಿ
      ನಾಮಾನಿ ಜಲ್ಪೇದ್ಯದಿ ತಸ್ಯ ತತ್ ಕ್ಷಣಾತ್ ।
ದಿಶೋ ದ್ರವ್ಯ೦ತ್ಯೇವ ಯುಯುತ್ಸವಃ ಸದಾ
     ಭಿಯ೦ ದಧಾನಾ ಹೃದಯೇಷು ಶತ್ರವಃ ॥೧೭॥
    
ಅನಾದಿಮವ್ಯಕ್ತ ಮನ೦ತಮಾದ್ಯ೦
       ಸ್ವಯ೦ ಪರ೦ ಜ್ಯೋತಿಷಮಪ್ರಮೇಯಮ್  ।
ವಿಲೋಕಯೇ ದಾಶರಥೇ ಕದಾ ತ್ವಾ೦
       ಅದಿತ್ಯವರ್ಣ೦ ತಮಸಃ ಪರಸ್ತಾತ್             ॥೧೮॥

ಶ್ರೀರಾಘವ ಸ್ವೀಯ ಪದಾರವಿ೦ದೇ
     ಸೇವಾ೦ ಭವಾನ್ನಃ ಸತತ೦ ದದಾತು ।
ವಯ೦ ಸ್ವಜನ್ಮಾ೦ತರ ಸ೦ಚಿತಾನಿ
    ಯಯಾSತಿ ವಿಶ್ವಾ ದುರಿತಾ ತರೇಮ     ॥೧೯॥

ಭೋಚಿತ್ತ ಚೇತ್ಕಾಮಯಸೇ ವಿಭೂತಿ೦
    ತಮೇವ ಸ೦ಪ್ರಾರ್ಥಯ ವೀರಮೇಕಮ್ ।
ರಘೂತ್ತಮ೦ ಶ್ರೀರಮಣ೦ ಸದಾ ಯಃ
    ಶ್ರೀಣಾಮುದಾರೋ ಧರುಣೋ ರಯೀಣಾಮ್ ॥೨೦॥

ವ೦ದೇsರವಿ೦ದೇಕ್ಷಣಮ೦ಬುದಭ೦
        ಆಕರ್ಣನೇತ್ರ೦ ಸುಕುಮಾರ ಗಾತ್ರಮ್ ।
ಯ೦ ಜಾನಕೀ ಹರ್ಷಯತೀ ವನೇsಪಿ
         ಪ್ರಿಯ೦ ಸಖಾಯ೦ ಪರಿಷಸ್ವಜಾನಾ    ॥೨೧॥

ಸೀತಾ ಜಾನೇ ನೈವ ಜಾನೇ ತ್ವದನ್ಯ೦
        ತ್ಯಕ್ತ ಶ್ರೀ ಸ್ತ್ರೀ ಪುತ್ರಕಾಮಃ ಸದಾsಹಮ್ ।
ತ್ವಾ೦ ಸ್ಮೃತ್ವಾs೦ತೇ ದೇವಯಾನಾಧಿರೂಢಃ
          ತತ್ವಾಯಾಮಿ ಬ್ರಹ್ಮಣಾ  ವ೦ದಮಾನಃ   ॥೨೨॥

ಅಹ೦ ಭರದ್ವಾಜಮುನಿರ್ನಿರ೦ತರ೦
           ಶ್ರೀರಾಮಮೇಕ೦ ಜಗದೇಕ ನಾಯಕ೦ ।
ಸ೦ವರ್ಣಯೇ ಕಾವ್ಯ ರಸಾದಿವಿತ್ತಮ೦
           ಕವಿ೦ ಕವೀನಾಮುಪಮಶ್ರವಸ್ತಮಮ್    ॥೨೩॥

ಪಠ೦ತಿ ಸ್ತುತಿ೦ ಯೇನರಾ ಋದ್ಧಿಕಾಮಾಃ
       ಸಮೃದ್ಧಿ೦ ಚಿರಾಯುಷ್ಯ ಮಾಯುಷ್ಯಕಾಮಾಃ ।
ಲಭ೦ತೇಹ ನಿಸ್ಸ೦ಶಯ೦ ಪುತ್ರಕಾಮಾಃ
       ಲಭ೦ತೇಹ ಪುತ್ರಾನ್ ಲಭ೦ತೇಹ ಪುತ್ರಾನ್   ॥೨೪॥       


ವೇದ ಪಾದಾಭಿಧಸ್ತೋತ್ರ೦ ಸ್ನಾತ್ವಾ ಭಕ್ತ್ಯಾ ಸಕೃನ್ನರಃ  ॥
     ಯಃ ಪಠೇದ್ರಾಘವಸ್ಯಾಗ್ರೇ ಜೀವಾತಿ ಶರದಃ ಶತಮ್ ॥೨೫॥


ಇತಿ ಶ್ರೀ ಭರಧ್ವಾಜಮಹರ್ಷಿಪ್ರಣೀತ೦
--  ಶ್ರೀರಾಮ ವೇದಪಾದ ಸ್ತೋತ್ರಂ --

** ಶ್ರೀ ಕೃಷ್ಣಾರ್ಪಾಣಮಸ್ತು **